नेपाली फुटबल टिमको मुख्य प्रशिक्षकमा अल्बर्टो एनेस नियुक्त

१७ फागुन, काठमाडौं । नेपाली राष्ट्रिय फुटबल टिमको मुख्प्रय शिक्षकमा इटलीका भेन रेन्जो अल्बर्टो एनेस नियुक्त भएका छन् । अखिल नेपाल फुटबल संघ (एन्फा)को बिहीबार बसेको कार्यसमिति बैठकले इटलीका एनेसलाई मुख्य प्रशिक्षक नियुक्त गर्ने निर्णय गरेको हो ।

पदपूर्ति समितिको सिफारिसअनुसार एनेसलाई मुख्य प्रशिक्षक नियुक्त गरिएको एन्फाद्वारा जारी विज्ञप्तिमा उल्लेख छ । एन्फाले मुख्य प्रशिक्षकका लागि आवेदन मागेपछि १६८ जनाले निवेदन पेश गरेका थिए । जसमध्येबाट पदपूर्ति समितिले २० जनाको नाम सर्टलिस्ट गरेको थियो ।

नवनियुक्त प्रशिक्षक एनेस यसअघि बेलिजको राष्ट्रिय फुटबल टिमको प्रशिक्षण गरेका थिए । इन्डियन सुपर लिगमा उनी नर्थ इस्ट युनाइटेडको प्रशिक्षक थिए । त्यसअघि उनले आई लिगको गोकुलम केरलाको टिम हेरेका थिए ।

अब्दुल्लाह अल्मुताइरीको राजीनामा राष्ट्रिय टिम पुरूषकाे प्रशिक्षक पद रिक्त थियाे । अब एनेसले टिमकाे मुख्य प्रशिक्षक बनेर काम गर्नेछन् ।