हाेलीले संस्कृतिको अनुसन्धान र सम्वर्द्धन गर्न सघाउँछ : मुख्यमन्त्री साह

२३ फागुन, काठमाडौं । मधेश प्रदेशका मुख्यमन्त्री सरोजकुमार यादवले होलीको शुभकामना व्यक्त गरेका छन् । तराई क्षेत्रमा आज होली पर्व मनाइरहेका छन् । सो अवसरमा मुख्यमन्त्री साहले एक विज्ञप्ति जारी गर्दै मुख्यमन्त्री यादवले रंग अबीरको पर्व होलीको सुभअवसरमा सम्पूर्ण नेपाली दाजु भाई तथा दिदी बहिनीहरुमा शुभकामना व्यक्त गरेका छन् ।

बहुजातीय, बहुभाषिय, बहुसांस्कृतिक, बहुधार्मिक विशेषताहरुले भरिएको सुन्दर देश नेपालको मुख्य पहिचान अनेकतामा एकता रहेको उल्लेख गर्दै हरेक जातजाति र धर्मावलम्बीहरुमा आ-आफ्नै सांकृतिक महत्व र मौलिक परम्परा रहेको उनले बताए ।

हरेक चाडपर्व समुदायबीच सद्भाव र मेलमिलाप बढाउने माध्यम रहेको उल्लेख गर्दै यस्ता पर्वहरुले समुदायहरुलाई आ-आफ्ना मौलिक परम्परा र संस्कृतिको अनुसन्धान, संरक्षण र सम्वर्द्धन गर्न पनि अभिप्रेरित गर्ने उनले बताए ।

होली पर्वले मानव जीवनलाई रंगीन र उल्लासमय बनाउन प्रेरित गर्ने, आपसी मेलमिलाप र सद् भावको यस पर्वले मधेश प्रदेश, देश र देश बाहिर रहेका सम्पूर्ण नेपालीहरुमा नयाँ उत्साह, उमंग र हौसला प्रदान गरोस् भन्ने कामना गरिएको छ ।