नेपाली रेस्लर भगवतीसँग हारिन् अमेरिकी सादिका

२३ फागुन, भक्तपुर । नेपाली रेस्लर भगवती खड्काले सोमबार भएको अन्तर्राष्ट्रिय रेस्लिङमा अमेरिकी रेस्लरलाई पराजित गरेकी छन् । भक्तपुरको सल्लाहघारीमा भएको रोमाञ्चक भीडन्तमा भगवतीले अमेरिकाकी सादिकालाई पराजित गरेकी हुन् । रेस्लिङ सोमबार भएको थियो ।

२०७१ मा स्थापित नेपाल महिला रेस्लिङ फाउन्डेसनद्वारा आयोजित रेस्लिङमा नेपाल ब्रोले पाकिस्तानका शेर खानमाथि जित हात पारे । रिङसम्म पुग्न नेपाल ब्रोले कार तथा शेर खानले मोटरसाइकल प्रयोग गरेका थिए । नेपालका कृष्ण मगर ले पाकिस्तानका अली खानलाई हराए । नेपालकी अस्मिता जुरेलीले भारतीय पुरुष रेस्लर अभिराज सिंहलाई हराइन् ।

नेपाल, भारत, पाकिस्तान र अमेरिकाका रेस्लर सहभागी प्रतियोगितामा ४ स्पर्धा भएको थियो । स्कोरपियाको नामले चिनिने नेपाली रेस्लर हिक्मत थपलियले निर्णायकको भूमिका निर्वाह गरेका थिए ।