पल्सर स्पोर्ट्सकाे स्पेशल अवार्डबाट दानबहादुर र मायादेवी सम्मानित

२३ फागुन, काठमाडौं । दानबहादुर तामाङ र मायादेवी पल्सर स्पोर्ट्स अवार्ड २०७८ अन्तर्गत स्पेशल अवार्डबाट सम्मानित भएका छन् ।

आज भएको अवार्ड वितरण समारोहमा ब्याडमिन्टनका नेपाल च्याम्पियन रत्नजित तामाङ, सरादेवी तामाङ र नङशल देवी तामाङका बुबाआमा दानबहादुर र मायादेवीलाई स्पेशल अवार्ड प्रदान गरिएको हो ।

नेपाली ब्याडमिन्टमा एकछत्र राज गर्न सफल ३ जना यी दिदीभाइको सफलतामा दानबहादुर र मायादेवीले अभिभावकको तर्फबाट महत्वपूर्ण योगदान पुर्याएको निचोडसहित सम्मान गरिएको हो । समारोहको आयोजना नेपाल खेलकुद पत्रकार मञ्चले गरेको हो ।

शिक्षक पेशाबाट रिटार्यड भोजपुर बजारका दानबहादुरले त आफैंले खेल मैदान बनाएर आफैँले प्रशिक्षण दिएका थिए । छोराछोरीलाई नेपालका चर्चित च्याम्पियन बनाउन महत्वपूर्ण योगदान दिएको निचोड निकालिएको छ ।