ललितपुर महानगरका शिक्षा अधिकृत पाैडेल अख्तियारकाे नियन्त्रणमा

२५ फागुन, काठमाडौं । ललितपुर महानगरपालिकाका शिक्षा अधिकृत शेषकान्त पौडेललाई घुस लिएको रकम १ लाख रुपैयाँसहित पक्राउ गरिएको छ ।

महानगरपालिकाको शिक्षा महाशाखामा कार्यरत उनलाई अख्तियार दुरुपयोग अनुसन्धान आयोग टंगालको टोलीले बिहीबार घुस रकमसहित कार्यकक्षबाटै पक्राउ गरेको हो ।

पौडेलले शिक्षक सरुवा गर्न सहजीकरण गरिदिएवापत घुस मागेको सूचनाको आधारमा निगरानी राख्दै आइरहेको अवस्थाबीच अख्तियारको टोलीले ललितपुर महानगरपालिका कार्यालय पुगेर रंगेहात पक्राउ गरेको आयोगले जनाएको छ ।