प्रधानमन्त्री प्रचण्डविरुद्धको रिटमा सर्वोच्चमा सुनुवाइ सुरु

२६ फागुन, काठमाडौं । प्रधानमन्त्री पुष्पटकमल दाहाल ‘प्रचण्ड’लाई पक्राउ गरी हत्या अभियोगमा फौजदारी कानूनबमोजिम अनुसन्धानको लागि अन्तरिम आदेश मागसहित मंगलबार दायर रिट निवेदनमाथि सर्वोच्च अदालतमा सुनुवाइ सुरु भएको छ ।

न्यायाधीश ईश्वरप्रसाद खतिवडाको एकल इजलासमा सुनुवाइ अहिले जारी छ । अधिवक्ता ज्ञानेन्द्रराज आरण, कल्याण बुढाथोकी, द्वन्द्वपीडित चिरञ्जीविवास गिरी लगायतले रिट दायर गराएका थिए ।

उनीहरुले २०७६ को माघी पर्वमा काठमाडौंमा आयोजित एक साँस्कृतिक कार्यक्रममा प्रम प्रचण्डले २०५२ फागुन २ देखि दस वर्षसम्म चलेको सशस्त्र द्वन्द्वका क्रममा मारिएकाे भनिएका १७ हजार मानिसमध्ये ५ हजारको जिम्मा आफूले लिने भनी दिएको अभिव्यक्तिलाई आधार बनाइएको छ ।