गोरखामा मिनीट्रक दुर्घटना : १ जनाको मृत्यु, ७ घाइते

२९ फागुन, गोरखा । सोमबार बिहान मिनीट्रक दुर्घटना हुँदा एक जनाको मृत्यु भएको छ । सोमबार दिउँसो १ बजे गोरखा नगरपालिका-६ बिसौनीमोडमा अनियन्त्रित भएर मिनीट्रक दुर्घटनामा पर्दा १ जनाको उपचारका क्रममा मृत्यु भएको र ७ जना घाइते भएको जिल्ला प्रहरी कार्यालय गोरखाले जनाएको छ ।

गोरखा बसपार्कबाट आबुखैरेनी जाँदै गरेको प्र ३ ०१–००३ क ६१७० नम्बरको मिनीट्रक अनियन्त्रित भएर विपरीत दिशाबाट जाँदै गरेको बा ८६ प १७८५ नम्बरको मोटरसाइकल तथा पैदलयात्रीलाई ठक्कर दिएपछि अन्दाजी २० मिटर तल खसेको कार्यालयले जनाएको छ ।

दुर्घटनापछि घाइतेलाई उपचारको लागि जिल्ला अस्पतालमा गोरखा पठाइएकोमा एक जना पुरूषको उपचारको क्रममा मृत्यु भएको हो । मृतकको सनाखत हुन बाँकी छ ।

शहिदलखन गाउँपालिका–७ की ३० वर्षीया रमला रानामगर, ५९ वर्षीय लालबहादुर गुरूङ, गोरखा–१० की ४० वर्षीया साबित्री विक र ६८ वर्षीय नारायण भुजेलको गोरखामा उपचार भइरहेको जनाइएको छ ।

गम्भीर घाइते २८ वर्षीय मं‌गल चौधरी, दोलखाका ३२ वर्षीय विष्णु खड्का र बुद्धिबहादुर नेपालीलाई चितवनस्थित भरतपुर मेडिकल अस्पताल पठाइएको प्रहरीले जनाएको छ ।