नेपालसँग पपुवा न्युगिनी ९ विकेटले पराजित, सन्दीप बने प्लेयर अफ द म्याच

२९ फागुन, काठमाडौं । आईसीसी क्रिकेट विश्वकप लिग-२ कम नेपालले आजको खेलमा पपुवा न्युगिनी (पीएनजी)लाई ९ विकेटले पराजित गरेको छ । घरेलु मैदान कीर्तिपुरमा भएको खेलमा पपुवा न्युगिनीले दिएको ९६ रनको लक्ष्य ७.४ ओभरमा पूरा गर्दै नेपालले एतिहासिक जित निकालेको हो ।

ओपनिङमा गएका आशिफ शेखको अर्धशतकमा नेपालले पपुवा न्युगिनीलाई पराजित गरेको हो । शेखले २१ बलमा ८ चौका र ३ छक्का प्रहार गर्दै ५३ रन बनाएका हुन् । उनीसँगै ओपनिङमा गएका कुशल भुर्तेल १४ बलमा ३३ रन बनाई बाहिरिएका थिए । त्यस्तै कुशल मल्ल १३ बलमा १२ रनसहित अविजित रहे ।

खेलमा प्लेयर अफ द म्याच सन्दीप लामिछाने भएका छन् । यसअघि गरेको बलिङमा लामिछानेले १० ओभरमा २५ रन खर्चिएर सर्वाधिक ५ विकेट लिए भने ललित राजवंशी र कुशल मल्लले २/२ विकेट लिएका थएि । सोमपाल कामीले १ विकेट लिए । खेल सकिएसँगै वर्षापनि सुरु भएको थियो ।

नेपालले भोलि यूएईसँग खेल्नेछ । यो खेल जितेको खण्डमा नेपाल आईसीसीको विश्वमपमा एक दिवसीय खेल्न पाउनेछ ।