देशभित्रै मल कारखाना संचालकाे प्रक्रिया सुरू गर्न लिङ्देनको माग

३०, फागुन, काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले सरकारले रसायनिक मलमा गरेको अनुदान कटौतीको निर्णय फिर्ता लिन आग्रह गरेका छन् । सरकारले किसानले रसायनिक मलमा पाउँदै आएको अनुदान घटाउन सरकारले लिएको निर्णयलाई किसानबिरोधी भनेका छन् ।

अध्यक्ष लिङ्देनले सामाजिक सञ्जालमार्फत धारणा सार्वजनिक गर्दै किसानलाई सुलभरुपमा मल आपूर्ति व्यवस्था मिलाउन देशभित्रै मल कारखाना संचालन गर्न समेत माग गरेका छन् ।

कृषि तथा पशुपन्छी विकास मन्त्रालयअन्तर्गतको मल आपूर्ति तथा वितरण व्यवस्थापन समितिको सोमबार बसेको बैठकले जारी अनुदानमा १२ प्रतिशत घटाउने निर्णय गरेको थियो । यसलाई थप ९ प्रतिशत घटाएर ५० प्रतिशतमा पुर्याउने मन्त्रालयले जनाएको छ । युरिया मल प्रतिकेजी १४ बाट २५ रूपैयाँ पुर्याइएकाे छ ।

हरेक वर्षझैं यो वर्षपनि किसाने मलको अभाव खेपिरहेका छन् । अनुदान घटाउने निर्णयले तस्करलाई फाइदा पुग्ने भन्दै किसानले आक्रोश पोखिरहेका छन् ।