कालिज फार्ममा २ कामदारलाई घाइते बनाएर भागेकाे चितुवा मृत फेला

१ चैत, पोखरा । कास्कीकाे रूपा गाउँपालिकामा दुई जनालाई आक्रमण गरेर घाइते बनाउने चितुवा मृत फोला पारेको छ । चितुवाले आज बिहान रुपा गाउँपालिका-४ का २८ वर्षीय श्रीकृष्ण मल्ल र पोखरा १८ बस्ने ३२ वर्षीय राजेश तिमिल्सिनालाई घाइते बनाएका छन् ।

उनीहरूको उपचारका लागि पोखराको मेट्रोसिटी अस्पतालमा भइरहेको वडा प्रहरी कार्यालय बैदामले जनाएको छ । पोखरा महानगरपालिका १८ भकुण्डेस्थित कालिज फार्ममा बुधबार बिहान करिब साढे ७ बजेतिर अचानक चितुवा पसेर कालिज र त्यहाँ काम गरिरहेका मल्ल र तिमिल्सिनामाथि आक्रमण गरेको प्रहरीले जनाएको छ । केही संख्यामा कालिजसमेत मरेको पाइएको छ ।

घटनापछि ‘स्थानीय, प्रहरी र वन कार्यालयको टोलीले नियन्त्रणमा लिने प्रयास गरिरहेको बेला चितुवा झाडीमा मृत फेला परेको प्रहरीले जनाएको छ । चितुवालाई त्यहाँबाट उठाएर वन कार्यालयको जिम्मा लगाइएको छ ।