‘तिमीलाई हेर्ने बानी पर्‍यो’को फिमेल भर्सनबाट फर्किदै पल

२ चैत, काठमाडौं । सबैका लोकप्रिय अभिनेता पल साह ‘तिमीलाई हेर्ने बानी पर्‍यो’को फिमेल भर्सनबाट अभिनयमा फर्किने भएका छन । सोमबार एक महोत्सव कार्यक्रममा आफ्नो प्रस्तुति दिदै उनले आफू छिटै दर्शकले मायाले सोही गीत मार्फत अभिनयमा फर्किन लागेको जानकारी गराएका हुन् ।

करिब एक वर्षपछि पहिलो पटक सार्वजनिक कार्यक्रममा सहभागी हुन बहिनी रोशनीको साथमा रुकुम पुगेका अभिनेता पल साहले आफू अभिनित पछिल्लो फिल्म ‘म यस्तो गीत गाउँछु २’को चर्चित गीत ‘तिम्रो घरको वरिपरि’ गाएर सुनाएका थिए ।

हजारौं दर्शक सहभागी भएको कार्यक्रममा पलले गीत गाएर प्रस्तुति दिदा सिट्टी र तालीको ओइरो लागेर थियो भने, प्रहरीलाई माहोल समाल्न हम्मेहम्मे परेको थियो । कार्यक्रममा पलले आफू एक वर्ष जेलभित्र बस्दाको अुनभव र लाखौं दर्शक कमाएको भन्दै खुसी व्यक्त गरेका छन ।

सोही अवसरमा पलले अब आफू म्युजिक भिडियोमार्फत आफू दर्शकमाझ आउन लागेको जानकारी समेत गराए । सोही गीत पलको आफ्नो युट्युब च्यानलमा सार्वजनिक हुन लागेको उनले बताएका छन ।