युएईविरुद्ध विशाल लक्ष्य पछ्याएको नेपालकाे तेस्रो विकेट गुम्याे

२ चैत, काठमाडौं । आईसीसी विश्वकप क्रिकेट लिग टू अन्तर्गत त्रिकोणात्मक सिरिजको अन्तिम खेलमा युएईले दिएको ३ सय ११ रनको लक्ष्यसहित नेपालले जवाफी ब्याटिङ गरिरहेको छ ।

आईसीसी विश्वकप क्रिकेट लिग टू अन्तर्गत त्रिकोणात्मक सिरिजको अन्तिम खेलमा युएईले दिएको ३ सय ११ रनको लक्ष्यसहित नेपालले जवाफी ब्याटिङ गरिरहेको छ ।

 लिग २ को अन्तिम खेलमा युएईविरुद्ध विशाल लक्ष्य पछ्याएको नेपालले लगातार तेस्रो विकेट गुमाएको छ। कप्तान रोहित पौडेल पनि १६ रन बनाएर आउट भएका हुन्। सातौं ओभरको पाँचौ बलमा मोहम्मद वासिमले रोहितलाई क्याचआउट गराए।

यसअघि नेपालले सुरुका २ ओभरमा लगातार विकेट गुमाएको थियो। पहिलो ओभरको तेस्रो बलमै ओपनर आसिफ शेखलाई गुमाएको नेपालले दोस्रो ओभरको पनि तेस्रो बलमा कुशल मल्ललाई गुमाउन पुग्यो। २ बलको सामना गरेका आसिफ शून्य रनमै स्टम्पिङ भए। त्यसपछि आएका मल्लले ५ बलमा एक चौका प्रहार गर्दै ५ रनमै आउट भए । अहिले कुशल भुर्तेल र भीम सार्की क्रिजमा छन्।