प्रभु बैंकको पीओएस मार्फत् अतिरिक्त बैंकिङ सेवा सञ्चालन

३ चैत, काठमाडौं । प्रभु बैंक लिमिटेडले एटीएम सेवा नभएका ठाउँमा पीओएस मार्फत् बैंकिङ सेवा सुरु गरेको छ । बैंकले विद्युतीय भुक्तानी कार्ड सम्बन्धी सेवालाई थप सहज बनाउन एटीएम सञ्चालन नभएका शाखा कार्यालयहरुबाट समेत प्रभु बैंकको आफ्नै पीओएस मेसिनबाट सेवा दिने भएको हो ।

पीओएस मेशिनको माध्यमबाट ग्रीन पीन सेट गर्न, पिन परिवर्तन गर्न र विद्युतीय भुक्तानी कार्डको माध्यमबाट नगद झिक्न सकिने अतिरिक्त सेवा उपलब्ध हुनेछन् ।

विद्यूतीय भुक्तानी कार्ड सम्बन्धी सेवा सहज बनाउन नेपाल इलेक्ट्रोनिक्स पेमेण्ट सिस्टम ९नेप्स०सँगको सहकार्यमा पिओएस मार्फत् विद्यूतीय भुक्तानी कार्ड सम्बन्धी अतिरिक्त सेवाको सुरुवात गरेको बैंकले जनाएको छ ।

पीओएसमार्फत विद्युतीय भुक्तानी कार्ड सम्बन्धी अतिरिक्त सेवा उपभोग गरी बैंकका सम्पूर्ण ग्राहकले अधिकतम लाभ लिने प्रभु बैंकले विश्वास लिएको छ।