नेकपा एकीकृत समाजवादीले सोमबार मन्त्रीको टुंगो लगाउने

५ चैत्र, काठमार्डौ । नेकपा एकीकृत समाजवादी पार्टीले सोमबार बस्ने सचिवालय बैठकमा सरकारमा जाने मन्त्रीहरुको नाम टुंगो लगाउने भएको छ । उसले सरकारमा सहभागि हुँदा कुन मन्त्रालय लिने भन्ने तय नभएपनि पार्टीबाट सरकारमा सहभागी हुने मन्त्रीहरुको नाम टुंगो लगाउन सचिवालय बैठक बोलाएकोछ ।

प्रधानमन्त्री पुष्पकमल दाहाल प्रचण्डले मन्त्रिपरिषद्लाई पूर्णता दिनेगरि छलफल थालेसँगै नेकपा एसले पनि आफ्नो दलबाट सरकारमा सहभागी हुनेहरुको नाम टुँगो लगाउन बैठक बोलाएको हो । नेकपा एसले प्रचण्ड नेतृत्वको सरकारमा तीन मन्त्रालय दाबी गरेको छ । तर, प्रधानमन्त्री प्रचण्डले भने दुई मन्त्रालय र एक राज्यमन्त्री मात्रै दिन बताएका छन् । यसमा पनि गृह मन्त्रालयमा उसको दावी छ । छ । नेकपा एसका १० जना सांसद छन् ।

अध्यक्ष नेपालबाहेक सबै सांसद मन्त्री बन्ने दौडमा छन् । तर, यसपटक नेपालले राजेन्द्र पाण्डे र प्रकाश ज्वालामध्ये एक जनालाई नेतृत्व गरेर सरकारमा पठाउने तयारी गरेका छन् । पाण्डेले पनि यसअघि नै आफ्नो दलले एक नम्बरको मन्त्रालय पाउने दावी गर्दै आएका छन् । एकीकृत समाजवादीबाट प्रेम आले, कृष्णकुमार श्रेष्ठ, धनबहादुर बुढालगायत मन्त्री बन्ने दौडमा छन् । अध्यक्ष नेपालले भोलिको सचिवालय बैठकमार्फत मन्त्री बन्नेहरुको नाम तय गर्नेछन् ।