भूगोल इनर्जी डेभलपमेन्टको आईपीओमा आवेदन दिन छुट्नु होला नी ?

७ चैत, काठमाडौं । भूगोल इनर्जी डेभलपमेन्टको आईपीओमा आवेदन दिने आज चैत ७ गते अन्तिम दिन रहेको छ। लगानीकर्ताले आज कार्यालय समयभित्र यस कम्पनीको आईपीओमा आवेदन दिन सक्नेछन् । भूगोल इनर्जीले आयोजना प्रभावित स्थानीय बासिन्दालाई फागुन ८ गतेदेखि आईपीओ बिक्री खुला गरेको हो ।

उक्त आईपीओमा कम्पनीले स्थानीयलाई जारी पुँजी ५० करोड ४० लाख ५३ हजार ४ सय रुपैयाँको १०५ अर्थात ५ करोड ४४ लाख ५ हजार ३ सयरुपैयाँ बराबरको शेयर बिक्री खुला गरेको हो । भूगोल इनर्जीले १०० रुपैयाँ अंकित मूल्यमा ५ लाख ४४ हजार ५३ कित्ता शेयर निष्कासन गरेको हो ।

यसैगरी आयोजना अति प्रभावित क्षेत्र नौमुले द्धारी ३ दैलेखका स्थानीय बासिन्दालाई २ लाख ७२ हजार २६ कित्ता र यो बाहेक दैलेख जिल्लाका स्थानीय बासिन्दाका लागि २ लाख ७२ हजार २६ कित्ता शेयर छुट्याइएको छ ।

यस आईपीओमा बिक्री प्रबन्धक एनआइसी एसिया क्यापिटल रहेको छ । स्थानीयले प्रतिकित्ता १०० रुपैयाँको दरले न्यूनतम १० कित्तादेखि अधिकतम ३० हजार कित्तासम्म आवेदन दिन सक्नेछन् ।

रेटिङ एजेन्सी इक्रा नेपालले भूगोल इनर्जीको आईपीओलाई इक्रा एनपी इस्यूअर रेटिङ्ग बी माइनस रेटिङ्ग प्रदान गरेको छ । जसले कम्पनीको दायित्व बहन गर्ने क्षमतामा उच्च जोखिम रहेको जनाउँछ ।