देउवाद्वारा किसान महासंघको कार्यसमितिमा थप सदस्य मनोनित

१४ चैत, काठमाडौं । नेपाली कांग्रेसले नेपाल किसान महासंघ केन्द्रीय तदर्थ कार्यसमितिमा सदस्य थप गरेको छ । पार्टी सभापति एवम् पूर्वप्रधानमन्त्री शेरबहादुर देउवाले आज गणेशचन्द्र तिमिल्सिनाको अध्यक्षतामा गठित नेपाल किसान महासंघ केन्द्रीय तदर्थ कार्यसमितिमा सदस्य थप गरेका हुन ।

सभापति देउवाले आदर्शविक्रम कार्की ‘काठमाडौं’, महेन्द्रभक्त अधिकारी ‘नवलपुर’, प्रभात आले ‘तनहुँ’, नम्रता बराल ‘कास्की’, प्रेमबहादुर घले ‘सुर्खेत’, ईश्वर गिरी ‘काठमाडौं’, जितु उपाध्याय ‘कैलाली’, भवानी कोइराला ‘सर्लाही’ र विश्वराज घिमिरे ‘पर्सा’लाई सदस्यमा मनोनयन गरेका छन्।

यस्तै, डा. धिरेन्द्र साह ‘महोत्तरी’, कालु मेचे ‘झापा’, जनार्दन अर्याल ‘गोरखा’, विवेकानन्द झा ‘सप्तरी’, ऋचा लुइँटेल ‘बाँके’, रमेश रावल ‘डडेल्धुरा’, मनोज थापा ‘काठमाडौं’ र विश्वनाथ दाहाल ‘काठमाडौं’लाई सदस्यमा मनोनयन गरेको कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।