गोविन्द भट्टराईलाई तनहुँ–१ मा उम्मेदवार बनाउने कांग्रेसको निर्णय

१६ चैत, काठमाडौं । नेपाली कांग्रेसले तनहुँ–१ मा पार्टीका नेता एवं केन्द्रीय सदस्य गोविन्द भट्टराई उम्मेदवार बनाउने निर्णय गरेको छ । यसअघि यो निर्वाचन क्षेत्रबाट कांग्रेसका रामचन्द्र पाैडेल विजयी भएका थिए । पौडेल राष्ट्रपतिमा निर्वाचत भएपछि हुन लागेको उपनिर्वाचनमा भट्टराईलाई उम्मेदवार बनाउन लागिएको हो ।

बिहीबार सानेपास्थित पार्टी केन्द्रीय कार्यालयमा बसेको कार्यसम्पादन समितिको बैठकले भट्टराईलाई उम्मेदवार बनाउने निर्णय गरेको हो । तनहुँ–१ बाट प्रतिनिधिसभा सदस्यमा निर्वाचित रामचन्द्र पौडेल राष्ट्रपतिमा निर्वाचित भएपछि यो क्षेत्रमा उपनिर्वाचन हुन लागेको हो । मतदान आगामी वैशाख १० गते हुँदैछ ।