सिके राउत मधेसका हुटिट्याउँ हुन् : पूर्ण बस्नेत

१४ चैत, काठमाडौं । जनता समाजवादी पार्टी, नेपालका प्रचार विभाग प्रमुख पूर्ण बस्नेतले जनमत पार्टीका अध्यक्ष सिके राउतलाई हुटिट्याउँको संज्ञा दिएका छन् ।सामाजिक सञ्जालमार्फत उनले उक्त टिप्पणी गरेका हुन् ।

‘चन्द्रकान्त राउतले २०७९ को आम निर्वाचनमा सप्तरी २ बाट उपेन्द्र यादवलाई हराए । नेपालको राजनीतिमा राउतको योगदान र बलिदानी त्यत्ति हो’ बस्नेतले लेखेका छन् ।राउतले उपेन्द्र यादवको बिरोधका लागि बिरोध गर्छन् ।

राउतको राजनीतिक विचार, सिन्दात, दर्शन, लक्ष्य, नीति र कार्यक्रम यत्ति भएको समेत बस्नेतले बताएका छन् । उपेन्द्र यादवविरुद्ध सामाजिक सञ्जालमा खटाइएका एकाध अबुझहरुलाई उनले सिके राउतको तथाकथित वैज्ञानिक प्रयोग, परीक्षण, आविष्कार र खोज भनेका छन् ।