वैद्य र वास्तोला नेतृत्वको पार्टीबीच एकता, औपचारिक घाेषणा मजदुर दिवसमा गरिने

२४ चैत, काठमाडौं । मोहन वैद्य ‘किरण’ नेतृत्वको नेकपा (क्रान्तिकारी माओवादी) र धर्मेन्द्र बास्तोला ‘कञ्चन’ नेतृत्वको नेकपा (बहुमत)बीच पार्टी एकता भएको छ । आज काठमाडौंमा दुवै पार्टीका नेताहरुले संयुक्त पत्रकार सम्मेलन गरी पार्टी एकता भएको जानकारी दिएका छन् ।

आगामी मजदुर दिवसको दिन काठमाडौंमा विशाल जनसभासहित एकताको औपचारिक घोषणा गर्ने बहुमतका नेता हेमन्तप्रकाश वली ‘सुदर्शन’ले पत्रकार सम्मेलनमा जानकारी दिए ।

यी दुवै पार्टीले वैद्य र बास्तोला नेतृत्वमा वार्ता टोली गठन गरेर एकताका लागि धेरै पटक वार्ता र संवाद चलाएका थिए । क्रान्तिकारी माओवादी प्रचण्डबाट र बहुमत विप्लवबाट अलग्गिएका पार्टी हुन् ।

उनीहरू तत्कालीन सशस्त्र द्वन्द्वका प्रभावशाली नेता हुन् । एकतापछि पार्टीकाे नाम के हुने भन्नेबारे बताइएकाे छैन ।