मतदानस्थलमा होहल्ला मच्चाउँदा उद्योग वाणिज्य महासंघको मतदान अवरूद्ध

२९ चैत, काठमाडौं । नेपाल उद्योग वाणिज्य महासंघको कमलादीस्थित प्रज्ञाभवनमा जारी मतदानस्थलमा होहल्ला मच्चिँदा मतदान रोकिएको छ । जिल्ला नगरका मतदाता तथा समर्थक एसोसिएटको मतदान स्थलमा होहल्ला मच्चाएपछि मतदान केहीबेरअघिदेखि मतदान अवरुद्ध हुन पुगेको छ । अहिले मतदानस्थल सुरक्षा बढाइएको छ ।

महासंघको नयाँ कार्यसमिति चयनका लागि आज बिहान ८ बजेदेखि सुरु हुने भनिएको मतदान प्राविधिक तयारी नपुगेको भन्दै दुई घण्टा ढिला गरी सुरु भएको थियो ।

चुनवामा वरिष्ठ उपाध्यक्षमा अञ्जन श्रेष्ठ , उमेशलाल श्रेष्ठ र रामचन्द्र संघई उम्मेदवार छन् । विजयी वरिष्ट उपाध्यक्ष नै आगामी ३ वर्ष पछाडि महासंघमा स्वतः अध्यक्ष बन्ने विधान छ । अहिलेका वरिष्ठ उपाध्यक्ष रहेका चन्द्रप्रसाद ढकाल यसैपटक महासंघका अध्यक्ष बन्नेछन् ।