सशस्त्र प्रहरीको फेसबुक पेज ह्याकरकै कब्जामा

२९ चैत, काठमाडौं । मंगलबार बिहानबाट ह्याक भएको सशस्त्र प्रहरी बलको फोसबुक पेज अझै फिर्ता ल्याउन सकेका छैनन् । ह्याकरले पहुँच बनाएको फेसबुक पेज फिर्ता ल्याउने कोशिस भएको २४ घण्टा बढी व्यतित हुँदा समेत ह्याकरको पहुँचबाट बाहिर आएको छैन । 

फेसबुक पेजलाई पुरानै अवस्थामा फर्काउने प्रयास भइरहेको सशस्त्र प्रहरीले जनाएको छ । पेजमा मंगलबार बिहाज करिब ११ बजे ह्याकर अनधिकृत प्रवेश गरी कब्जामा राख्दै आएका छन् । पेजमा अनावश्यक सामाग्री पोष्ट भएको र यसलाई पूरानै अवस्थामा फर्काउन सशस्त्र प्रहरीको आइटी टिमले काम गरिरहेको सशस्त्र प्रहरीले जनाएको छ । 

यसै हप्तामात्र नेपाली सेनाको साइबर स्पेशमा ह्याकरबाट हमला भएको थियो । हमलाको आरोपमा पोखराबाट स्याङजाका २४ वर्षीय एक युवकलाई प्रहरीले पक्राउ गरेको थियो । काठमाडौंमा ल्याएर उनीमाथि अनुसन्धान भइरहेको छ ।

पछिल्लो समयमा सुरक्षा निकाय र सरकारी कार्यालयका पेज तथा वेबसाइटहरूलाई ह्याकरले निशानामा पार्दै आएका छन् ।