वस्तुगत उपाध्यक्षमा ढकाल र जिल्ला नगर उपाध्यक्षमा वैद्य विजयी

३० चैत,काठमाडौं । नेपाल उद्योग वाणिज्य महासंघको वस्तुगत उपाध्यक्ष पदमा हेमराज ढकाल विजयी भएका छन् । उनी उमेशलाल समूहबाट उमेदवार बनेका थिए । उनले ६१ मत ल्याएर वियजी भएका हुन् ।

उनका निकटतम प्रतिस्पर्धी मनिषलाल प्रधानले ५२ मत ल्याए । तेस्रो सुकुन्तलाल हिराचनले सात मत ल्याए । प्रधान अञ्जन श्रेष्ठको प्यानलबाट र हिराचन रामचन्द्र संघाईको प्यानलबाट प्रत्यासी थिए । 

यस्तै जिल्ला नगर उपाध्यक्षमा रामचन्द्र संघई प्यानलका सुरकृष्ण वैद्य विजयी भएका छन् । त्रिपक्षीय प्रतिस्पर्धामा वैद्य ४३ मत ल्याएर विजयी भएका हुन् । जिल्लाबाट निर्वाचन लड्न सदस्यको प्यानल बनाउन नसकेपनि उपाध्यक्ष पदमा वैद्य विजयी भएका हुन् ।

यसैगरी अरुणराज सुमार्गीले ३७ तथा दिनेश श्रेष्ठले ३४ मत ल्याए । दिनेश श्रेष्ठ अहिलेको जिल्ला नगर उपाध्यक्ष हुन् । उनी लगातार तीन कार्यकालसम्म जिल्ला नगर उपाध्यक्षमा प्रतिस्पर्धा गरेका थिए ।

महासंघको निर्वाचनमा वरिष्ठ उपाध्यक्षको लागि त्रिपक्षीय प्रतिस्पर्धा छ । वस्तुगतमा उमेश प्यानलका हेमराज ढकाल विजयी भएका छन् । एशोसियट उपाध्यक्षमा भने उमेश र अञ्जन श्रेष्ठबाट भरत आचार्य र संघई प्यानलबाट ज्योत्स्ना श्रेष्ठ प्रत्यासी छन् । कार्यसमिति सदस्यमा भने उमेश श्रेष्ठ प्यानलका अहिलेसम्म बढी विजयी भएका छन् ।