'किसीका भाइ किसीका जान'को टिकट बुकिङ उच्च

६ वैशाख, मुम्बई । चार वर्षपछि अभिनेता सलमान खान पुनः एकपटक इदमा आफ्नो फिल्म ‘किसी का भाई किसी का जान’ लिएर आउँदैछन् । फरदाह सामजीको निर्देशन रहेको फिल्म २१ अप्रिलमा थिएटरमा रिलिज हुँदैछ । फिल्मको एडभान्स बुकिङ खुलिसकेकाले फिल्मको टिकट लिनेको संख्या उल्लेख्य छ ।

मंगलबार साँझसम्म पहिलो दिनको शोका लागि पीवीआर, आइनोक्स र सिनेपोलिसमा करिब १० हजार बढी टिकट बिक्री भइसकेको छ । सिंगल स्क्रिनमा पनि फिल्मप्रति दर्शकको चासो उच्च छ । २ घण्टा २४ मिनेट २५ सेकेन्डको फिल्मलाई केन्द्रीय फिल्म प्रमाणन बोर्ड (सिबिएफसी)ले यू/ए सर्टिफिकेट दिएको छ ।