धार्मिक सहिष्णुताको उदाहरण, नगवाका चौरसियाले आयोजना गरे मुस्लिमको इफ्तार

 
८ वैशाख, बीरगञ्ज । इस्लाम धर्मावलम्बीको पवित्र महिना रमदानको उपलक्ष्यमा बीरगञ्जका हिन्दु युवाले इफ्तारको आयोजना गरेका छन् । आपसी भाईचारा अभिबृद्धि हेतु वीरगञ्ज १६ नगवाका भुषाल चौरसियाले मुस्लिम समुदायका व्यक्तिका लागि इफ्तारको प्रबन्ध मिलाएका हुन् । 

आपसी सद्भाव र धार्मीक सहिष्णुता कायम राख्न मुस्लिमहरुको मुख्य पर्व रमजानको उपलक्ष्यमा बिहीबार इफ्तारी गराइएको चौरसियाले बताए ।  चौरसियाले आयोजना गरेको इफतारमा मुस्लिम तथा हिन्दु समूदायका उल्लेख्य व्यक्तिको सहभागिता रहेको थियो ।  फरक धर्म संस्कृतिको सम्मान गर्दै धार्मीक सहिष्णुता कायम राख्न आफूले सानो प्रयास गरेको चौरसियाले बताए ।