व्यवसायी निरा पाण्डे हत्या प्रकरणः  हत्यारा सार्वजनिक गर्न माग गर्दै प्रदर्शन [फाेटाेफिचर]

११ वैशाख, काठमाडौं । सरस्वतीनगरकी भाँडा पसल सञ्चालिका नीरा पाण्डे आचार्यको हत्यामा संलग्नलाई सार्वजनिक गर्न माग गर्दै सोमबार काठमाडौंमा प्रदर्शन गरिएको छ । 

यही वैशाख ७ गते दिउँसो सरस्वतीनगरस्थित ‘निरु भाँडा पसल’ चलाउँदै आइरहेकी पाण्डेकाे पसलमै छुरा प्रहार गरी निर्मम तरिकाले हत्या गरिएको थियो । हालसम्म पनि हत्यारा पत्ता लगाउन नसकेको भन्दै सरकारको चर्को आलोचना भइरहेको बेला मृतक आफन्त र अधिकारकर्मीहरुले माइतीघर मण्डलामा विरोध प्रदर्शन गरेका छन् । 

प्रदर्शनकारीहरुले ‘हत्यारा पत्ता लगाउ, पीडितलाई न्याय देऊ’ जस्ता प्लेकार्ड प्रदर्शन गरेका थिए । प्रदर्शनमा  दर्जनाैंको संख्यामा महिला, पुरुष सहभागी थिए ।

घाँटी, पेट, छात्ती लगायत शरीरभर छुराले प्रहार गरेको अवस्थामा पसलमै फेला परेकी निरालाई उद्धार गरी टिचिङ हस्पिटल महारजगन्ज पुर्याउँदा चिकित्कसले मृत घोषणा गरेका थिए । प्रहरीले भने हत्याराको सुइँको पाइसकेको र छिट्टै पक्राउ पर्ने बताउँदै आएको छ ।