कथालयले ल्यायो एलन मस्कको संक्षिप्त बालजीवनी

१२ वैशाख, काठमाडौं ।  अनेक प्रयोग गर्न रुचाउने मस्कको चर्चा विश्वमै हरेक दिन भइरहेकै हुन्छ । यिनै अमेरिकी अर्बपति ४७ वर्षीय एलन मस्कको रोमाञ्चक बालजीवनीलाई कथालयले प्रकाशनमा ल्याएको छ ।

अर्मेनियाबाट प्रकाशित पुस्तकलाई प्रतिलिपि अधिकार प्राप्त गरी कथालयले अंग्रेजी र नेपाली दुवै भाषामा प्रकाशन गरेको हो । जसको अंग्रेजी शीर्षक “The Guest From The Future” छ भने नेपाली भाषामा “भविष्यका पाहुना” रहेको छ  । मूल लेखक लुसिने अलेक्सेनयन हुन् भने थोमस शाहिन्यानले चित्र बनाएका हुन् । नेपालीमा विमलकुमार सुवेदीले अनुवाद गरेको पुस्तकको सम्पादक भिक्टर प्रधान हुन् ।

पुस्तकमा एलन मस्क सानो छँदाका बानीव्यहोरा, पारिवारिक अवस्था, उनको सिकाइ प्रक्रिया, आफ्नो सपना र त्यसलाई साकार पार्न गरेको संघर्षका बारेमा उल्लेख गरिएको छ ।