स्वास्थ्य मापदण्ड मिच्ने अस्पताललाई मन्त्रालयले दियो कारवाहीको चेतावनी
नेपालबहस संवाददाता
बैशाख १३, २०८० बुधबार १८:३:५९
१३ वैशाख, काठमाडौं । स्वास्थ्य तथा जनसंख्या मन्त्रालयले स्वास्थ्य संस्था सञ्चालन सम्बन्धी मापदण्ड विपरित काम गर्ने देशभरका निजी तथा सरकारी अस्पताललाई कारवाहीको चेतावनी दिएको छ । विभिन्न अस्पतालहरुले स्वास्थय मापदण्ड विपरित काम गरिरहेको उजुरीका आधारमा मन्त्रालयले अस्पतालहरुलाई स्वास्थ्य संस्था सञ्चालन सम्बन्धी मापदण्ड अनिवार्य रुपमा पालना गर्न निर्देशन दिएको हो ।
बुधबार सूचना जारी गर्दै स्वास्थ्य मन्त्रालयको गुणस्तर मापन तथा नियमन महाशाखाले सबै सरकारी, निजी, सामुदायिक अस्पताल, प्रतिष्ठान तथा मेडिकल कलेजलाई २०७७ दफा ७० (घ) अनिवार्य रुपमा पालना गर्न र नगरेको पाइए त्यस्ता अस्पताललाई कारवाहीको दायरामा ल्याइने जनाएको छ । मापदण्ड कार्यान्वयन भएनभएको अनुगमनमा नगरेको पाईए त्यस्ता स्वास्थ्य संस्थालाई कारबाही गर्ने मन्त्रालयले चेतावनी छ ।
मन्त्रालयले पार्किङ शुल्क उठाउने कर्मचारीलाई न्यूनतम पारिश्रमिक नदिएकोप्रति अपत्ति जनाएको छ । धेरै अस्पतालहरुले पार्किङ शुल्क उठाउन कर्मचारी राख्ने तर, उनीहरुलाई न्युनतम पारिश्रमिकसमेत नदिइएको भन्दै उनीहरुलाई उचित तलव र पारिश्रमिकको व्यवस्था गर्न भनिएको छ । हालै गरिएको अनुगमनका क्रममा विभिन्न स्वास्थ्य संस्थाहरुमा यस्ता कार्य भएको पाइएको थियो । उनहिरुमाथि कानुन बमोजिम कारबाही प्रक्रिाय पनि सुरु गरिएको मन्त्रालयले जनाएको छ ।
मन्त्रालयले सबै अस्पतालले १० प्रतिशत शैय्या विपन्न, असहाय तथा बेवारिसे बिरामीका लागि छुट्याउनुपर्ने, उनीहरुको निःशुल्क उपचार गर्नुपर्ने, नागरिक वडापत्र अग्रभागमा राख्नुपर्नेजस्ता मापदण्डको पालन नभएको जनाएको छ । अनुगमनका क्रममा केही अस्पतालहरुले मापदण्डबमोजिम नगरेकाले मापदण्ड पूर्ण पालनाका लागि यो चेतावनी दिइएको हो ।
विपन्न, असहाय र बेवारिसे बिरामीका लागि अस्पतालले कुल शैय्याको दश प्रतिशत बेड छुटाएर निःशुल्क उपचार गराउनुपर्नेमा सो कार्यान्वयन नभएकाले तत्काल कार्यान्वयन गर्न मन्त्रालय भनेको छ । बिरामीले संस्थाबाट सेवा प्राप्त गर्न लाग्ने शुल्क, प्रक्रिया तथा अवधि समेत खुलाएको बिरामी बडापत्र अस्पतालको अग्रभागमा देखिने गरी राख्न पनि मन्त्रालयले निर्देशन दिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपचिकित्सक अभावले हेटौँडा अस्पतालमा थन्किए उपकरण
बैशाख १२, २०८१ बुधबार
स्वास्थ्यमन्त्री यादवले एक तह मुनिका प्रमोदलाई बनाए राष्ट्रिय ट्रमा सेन्टरको मेसु
बैशाख ७, २०८१ शुक्रबार
दमौली अस्पतालमा १२ घण्टा ओपीडी सेवा सञ्चालन गर्ने
बैशाख ६, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
लगानी सम्मेलनमा एक सय ५१ परियोजना प्रस्तुत गरिँदै
बैशाख १४, २०८१ शुक्रबार
५६ प्रतिशत पर्यटक बढे पछि साउदीले रक्सी बिक्री खुल्ला गर्न सक्ने
बैशाख १४, २०८१ शुक्रबार
संसदीय समितिको बैठक बस्दै
बैशाख १४, २०८१ शुक्रबार
डढेलो नियन्त्रणमा सरकार संवेदनशील भएन : नेता कोइराला
बैशाख १४, २०८१ शुक्रबार
धरमपानी गाउँ
बैशाख १४, २०८१ शुक्रबार
आइपिएलमा कसरी भइरहेको छ छक्का र चौकाको वर्षा ?
बैशाख १४, २०८१ शुक्रबार