डेंगी रोकथामका लागि आजबाट सबै कार्यलयमा दश मिनेट अभियान

१५ वैशाख, काठमाडौं । स्वास्थ्य तथा जनसंख्या मन्त्रालयको आग्रहमा डेंगी रोकथाम तथा नियन्त्रणका आजदेखि लागि हरेक शुक्रबार १०ः३० बजे दस मिनेट अभियान संचालन हुँदैछ । वैशाख १५ गते शुक्रबारदेखि हरेक शुक्रबार बिहान सबै सरकारी तथा सार्वजनिक कार्यालयहरूले आफ्नो कार्यालय हाताभित्र र वरपर सबै कर्मचारी सहभागी भई सरसफाइ अभियान अनिवार्य संचालन स्वास्थ्य मन्त्रालयले आग्रह गरेको छ । 

स्वास्थ्य मन्त्रालयका मन्त्रालयका सह प्रवक्ता डा समीरकुमार अधिकारीले दश मिनेट कार्यक्रम अनिवार्य सञ्चालन गर्न भनिएको छ । गत वर्ष नेपालमा डेंगी संक्रमण हालसम्मकै अत्यधिक भएको थियो । हालसम्मकै बढी ५४ हजार ७८४ जनामा डेंगीको संक्रमण देखिएको थियो भने ८८ जनाको मृत्युसमेत भएको मन्त्रालयले जनाएको छ । यस वर्ष पनि डेंगीका बिरामी बढ्न सक्ने सम्भावित मौसम पूर्व नै संक्रमण बढ्दै गरेको अवस्थामा मन्त्रालयले यस्तो आग्रह गरेको हो । 

सह प्रवक्ता डा अधिकारीले सबैको प्रयासले माक्रै डेंगी संक्रमण रोकथाम नियन्त्रण गर्न सकिने भएकोले यस अभियानमा आम सर्वसाधारण, निजी क्षेत्र र सरोकारवाला सबै व्यक्ति एवं निकायहरूले आफ्नो स्थानमा सहभागिता, सहजीकरण एवं समन्वय गरिदिन आग्रह गरिएको बताए । उनले डेंगी संक्रमण हुन नदिन लामखुट्टेको वृद्धि विकास रोक्न र संक्रमित लामखुट्टेको टोकाइबाट बच्न बचाउन आवश्यक रहेको बताए । 

डेंगी गराउने लामखुट्टेले घर र कार्यालय वरिपरि थोरै वा धेरै मात्रामा जमेर रहेको स्थीर संलो पानीमा अन्डा फारेर वृद्धि विकास गर्छ र संक्रमित लामखुट्टेबाट जन्मने सबै लामखुट्टेले संक्रमण गराउने हुन्छ । डेंगी संक्रमणको नियन्त्रण गर्न आफ्नो बासस्थान एवं कार्यस्थल वरिपरि लामखुट्टेको वृद्धि विकास हुन नदिन र लामखुट्टेको टोकाइबाट बच्ने उपायहरू गर्नुपर्ने उनको भनाइ छ ।