कुमारी बैंकले संस्थापक शेयर लिलामी बिक्री गर्ने

१८ वैशाख, काठमाडौं । कुमारी बैंकले मंगलबार आफनो संस्थापक शेयर लिलामी बिक्री खुला गर्ने भएको छ । बैंकले १४ लाख ९० हजार कित्ता संस्थापक शेयर लिलामी गर्नेछ ।

लगानीकर्ताले न्यूनतम १ हजार कित्तादेखि अधिकतम सबै कित्ताका लागि आवेदन दिन सक्नेछन् । बैंककै संस्थापक शेयरधनीसहित अन्य व्यक्ति, कम्पनी तथा संघसंस्थाले यस लिलामी शेयरमा आवेदन दिन सक्नेछन् । 

यसमा न्यूनतम ११९ रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ । यसमा जेठ २३ गतेसम्म आवेदन दिन मिल्नेछ । बिक्री प्रबन्धक प्रभु क्यापिटल रहेको छ । यसमा कमलादी काठमाडौंमा पुग्ने गरी आवेदन बुझाउनुपर्ने हुन्छ । लिलामी सेयरको आवेदन जेठ २५ गते बिहान ११ बजे खोलिनेछ।