नेपाल र यूएईबीचको भाेलि खेल हेर्न दर्शकले टिकट काट्न नपर्ने

१८ वैशाख, काठमाडौं । एसीसी प्रिमियर कप क्रिकेटअन्तर्गत नेपाल र यूएईबीच भोलि हुने बाँकी खेल हेर्न दर्शकले टिकट किन्न नपर्ने जनाइएको छ । 

वर्षाका कारण रोकिएको नेपाल र यूएईबीचको भोलिको खेल टिकट नलाग्ने नेपाल क्रिकेट संघ क्यानले जनाएको हो । क्यानका कार्यवाहक सचिव दुर्गाराज पाठकले  आज टिकट काटेका दर्शकलाई पहिलो प्राथमिकतामा राखेर मैदानमा प्रवेश दिने र अन्य टिकट नकाटिने बताए । 

नेपालविरुद्ध भोलि यूएईले २७.३ ओभरमा ९ विकेट गुमाएर १०६ रन बनाएको स्थितिबाट अघि खेल्न सुरु गरिने क्याले जनाएको छ । यो खेल जितेमा नेपाल एसिया कपमा पुग्नेछ ।