यो वर्षको आर्थिक वृद्धिदर २.१६ प्रतिशत मात्र

१९ वैशाख, काठमाडौं । चालु आर्थिक वर्षमा देशको आर्थिक वृद्धिदर २.१६ प्रतिशतमा सिमित रहेन भएको छ । राष्ट्रिय तथ्यांक कार्यालयले सार्वजनिक गरेको तथ्यांकअनुसार चालु आर्थिक वर्ष आधारभूत मूल्यमा मुलुकको आर्थिक वृद्धि जम्मा २.१६ प्रतिशतमा खुम्चिने छ ।

सरकारले बजेटमा ७ प्रतिशतको आर्थिक वृद्धिदर गर्ने लक्ष्य राखेको थियो । विभागका अनुसार नेपाली अर्थतन्त्रको आकार ५३ खर्ब ८१ अर्ब रुपैयाँ पुगेको छ । आर्थिक वृद्धिदर उपभोक्ता मूल्यमा १।८६ प्रतिशत र आधारभूत मूल्यमा २।१६ प्रतिशत हुनेछ ।

उपभोक्ता मूल्यमा १.८६ प्रतिशत आर्थिक वृद्धि रहने कार्यालको अनुमान छ । नेपालको अर्थतन्त्रको आकार आर्थिक वर्ष २०७९/८० मा ५३ खर्ब ८१ अर्ब पुग्ने कार्यालयको अनुमान छ । यो अनुमान एसियाली विकास बैंक र विश्व बैंकले गरेको अनुमानभन्दा कम हो । विश्व बैंकले सन् २०२२÷२३ का लागि नेपालको आर्थिक वृद्धिदर ४.१ प्रतिशत बराबर रहने प्रक्षेपण गरेको छ ।

चालु आर्थिक वर्षको दोस्रो त्रैमासिकदेखि कूल गार्हस्थ्य उत्पादन (जिडीपी) वृद्धिदर ऋणात्मक देखिएको छ । चालू आवको बजेटमार्फत आठ प्रतिशतको आर्थिक वृद्धिदरको लक्ष्य राखिएकोमा अर्धवार्षिक अवधिमा नै ऋणात्मक वृद्धिदर देखिएको थियो । गत पुस मसान्तसम्मको आर्थिक वृद्धिदर अनुमान हेर्दा पहिलो त्रैमासमा शून्य दशमलव ३४ र दोस्रो त्रैमासमा शून्य दशमलव ७३ प्रतिशतले ऋणात्मक देखिएको थियो ।