प्राप्ति पश्चात प्रभु बैंकमा देखिएन सिनर्जी इफेक्ट, खराब कर्जा रेड जोनमा पुग्दा वितरणयोग्य मुनाफा नै ऋणात्मक

१९ वैशाख, काठमाडाैं । प्रभु बैंकको वित्तीय अवस्था दिन प्रतिदिन ओरालो लाग्ने क्रममा छ । खराब कर्जा साढे ३ प्रतिशत पुगिसकेको छ भने वितरण योग्य मुनाफा ऋणात्मक हुँदा लगानीकर्ता निराश भएका छन् । मर्जर भएर ठूलो पूँजी भएको कम्पनी देखिए पनि आधारभूत सूचकहरू त्यति सबल देखिएका छैनन् । 

बैंकले केही समय अघि सेञ्चुरी कमर्सियल बैंकलाई प्राप्ति गरेको थियो । प्राप्ति पश्चात् बैंकमा सिनर्जी देखिनु पर्ने साटो बैंक उल्टो गतिमा हिँड्न थालेको विभिन्न तथ्याङ्कले देखाएको छ । मर्जरले वासलात ठूलो देखिए पनि आधारभूत रूपमा बैंकले प्रगति गर्न सकेको छैन ।       

यस बैंककाे संचालक समितिको अध्यक्षमा लिलाप्रकाश सिटौला रहेका छन् । त्यस्तै अन्य संचालकमा रमेश सिंह खड्का, मनबहादुर राई, शंकर प्रसाद कालिकोटा, रामेश्वर सापकोटा, अभिषेक बज्राचार्य र डा. गीता प्रधान कार्यरत छन् । त्यस्तै उच्च व्यवस्थापनमा  प्रमुख कार्यकारी अधिकृतको रुपमा अशोक शेरचन कार्यरत छन् ।

   

आर्थिक वर्ष ७९/८० को  तेश्रो त्रैमासको वित्तीय विवरणलाई दाँजेर हेर्दा :

खुद मुनाफा :
चालु आर्थिक वर्ष ७९/८० को तेश्रो त्रैमासमा यस बैंकले १ अर्ब ९५ करोड रूपैयाँ मुनाफा कमाएको छ। गत आर्थिक वर्षको सोही अवधिमा मुनाफा १ अर्ब ७५ करोड रूपैयाँ थियो । एक वर्षको अवधिमा मुनाफा ११ दशमलव ५१ प्रतिशतले बढेको छ । याे पनि मर्जरका कारणले गर्दा कमाएकाे देखिएपनि सारभूत रूपमा मुनाफा नगन्य हाे । 

PRVU	Report Based on Q3, FY : 79/80
Prabhu Bank Limited	FY 2079/80	FY 2078/79	Diff
	Third QT	Third QT	%
Income Statement (Rs in 000)
Net Interest Income	6,681,426	4,323,123	54.55
Operating Profit	2,719,485	2,560,635	6.20
Net Profit	1,954,625	1,752,923	11.51
Distributable Profit	-182,956
Annualized EPS (Rs)	11.07	18.39	-39.80

प्रतिशेयर आम्दानी :
बैंकको प्रतिशेयर आम्दानी ११ रूपैयाँ ०७ पैसामा झरेकाे छ । एक वर्ष अघि प्रतिशेयर आम्दानी १८ रूपैयाँ ३९ पैसा थियो । यसरी प्रतिशेयर आम्दानीमा ४० प्रतिशतको गिरावट आएको छ ।

वितरण योग्य मुनाफा  :
बैंकको वितरण योग्य मुनाफा १८ करोड २९ लाख ऋणात्मक रहेको छ ।

कर्जा तथा अन्य नोक्सानीको व्यवस्था :
गत आर्थिक वर्षको तेश्रो त्रैमाससम्म ७ करोड ९६ लाख कर्जा तथा अन्य नोक्सानीको व्यवस्था फिर्ता (आम्दानी) गरेको बैंकले चालु आर्थिक वर्षको तेश्रो त्रैमाससम्म १ अर्ब  ५७ करोड व्यवस्था (खर्च) गरेको छ । खराब कर्जा वृद्धि हुँदा यो शीर्षकमा धेरै व्यवस्था गर्नु पर्ने हुन्छ ।

रिटेण्ड अर्निङ्ग  :
बैंकको रिटेण्ड अर्निङ्ग १८ करोड २९ लाख ऋणात्मक रहेको छ ।

 

जगेडा कोष :
बैंकको जगेडा कोष गत आर्थिक वर्षको चौथो त्रैमासको तुलनामा चालु आर्थिक वर्षको तेश्रो त्रैमासमा ९० प्रतिशतले वृद्धि हुँदै १० अर्ब २७ करोड पुगेको छ । 

PRVU	Report Based on Q3, FY : 79/80
Prabhu Bank Limited	FY 2079/80	FY 2078/79	Diff %
	Third QT	Fourth Qt	%
Balance Sheet  (Rs in 000)
Share Capital	23,542,490	12,708,704	85.25
Share Premium	0	0
Retained Earnings	-182,956	1,032,974	-117.71
Reserves	10,270,952	5,406,072	89.99
Deposits from Customers	277,451,905	178,652,185	55.30
Loan and Advances to Customers	242,539,775	145,381,571	66.83
Book Value (Rs)	142.85

निक्षेप / कर्जा :
गत आर्थिक वर्षको चौथो त्रैमासको तुलनामा चालु आर्थिक वर्षको तेश्रो त्रैमासमा निक्षेप संकलन ५५ दशमलव ३० प्रतिशतले वृद्धि हुँदै २ खर्ब ७७ अर्ब पुगेको छ भने कर्जा प्रवाह ६६ दशमलव ८३ प्रतिशतले वृद्धि हुँदै २ खर्ब ४२ अर्ब पुगेको छ ।

PRVU	Report Based on Q3, FY : 79/80
Prabhu Bank Limited	FY 2079/80	FY 2078/79
	Third QT	Third QT
Ratios (%)
Capital Fund to RWA	11.63	13.08
CD Ratio	84.80	82.11
Non Performing Loan	3.48	1.21
Cost of Fund	8.40	6.77
Base Rate	11.07	9.29
Spread Rate	5.16	3.87

 खराब कर्जा :
चालु आर्थिक वर्षको तेश्रो त्रैमासमा बैंकको खराब कर्जा ३ दशमलव ४८ प्रतिशत रहेको छ। अघिल्लो आर्थिक वर्षको तेश्रो त्रैमासमा खराब कर्जा १ दशमलव २१ प्रतिशत थियो ।