अप्रिलमा मात्रै ९८ हजार ७७३ विदेशी पर्यटक भित्रिए

१९ वैशाख, काठमाडौं । गएको अप्रिल महिनामा नेपालमा ९८ हजार ७७३ विदेशी पर्यटक भित्रिइएको तथ्यांक पाइएको छ । अप्रिलमा यो संख्यामा विदेशी पर्यटक नेपाल आएको  पर्यटन बोर्डले जनाएको छ । 

पर्यटन बोर्डका अनुसार अघिल्लो वर्षको यहि अवधिमा भने ६१ हजार ५८९ पर्यटक नेपाल भित्रिएका थिए । विश्वमै कोरोना संक्रमणमा कमी आएपछि पर्यटकको आउजाउ बढेको बोर्डको दाबी छ । 

सबैभन्दा बढी भारतीय पर्यटक रहेको बोर्डको तथ्यांक छ । अप्रिल महिनामा भारतीय ३१ हजार ४३७, अमेरिकी ८ हजार ४१३, बेलायती ५ हजार ४०९, चीन ४ हजार ७७० र पाँचौ नम्बरमा अष्ट्रेलियाबाट ३ हजार ८२६ पर्यटक नेपाल भित्रिइएको जनाइएको छ ।