काठमाडौं उपत्यकामा मोटरसाइकल चोरीमा संलग्नताको आरोपमा २ जना पक्राउ

१९ वैशाख, काठमाडौं । काठमाडौं उपत्यकामा मोटरसाइकल चोरीमा संलग्नताको आरोपमा प्रहरीले काभ्रे र सिन्धुपाल्चोकका गरी दुई जनालाई पक्राउ गरेको छ ।

काभ्रेको तिमाल गाउँपालिका–७ घर भई हाल बौद्ध नयाँबस्‍ती  बस्‍ने २८ वर्षीय हेमा भन्‍ने सुजन तामाङ र सिन्धुपाल्चोकको बाह्रबिसे नगरपालिका–३ धार्पा घर भई हाल ललितपुरको भैसेपाटी बस्‍ने २५ वर्षीय विजय भन्‍ने लोकबहादुर पाख्रिन रहेका छन् ।

मोटरसाइल चोरी पीडितको उजुरीका आधारमा खोजी गर्दा उनीहरु पक्राउ परेका हुन् । उनीहरूलाई  सार्वजनिक गरिएकाे छ । आवश्यक कारवाहीका लागि दुवै जनालाई ललितपुरको प्रहरी वृत्त चापागाउँमा राखिएको छ ।

चोरीमा अन्य व्यक्तिको संलग्नता हुनसक्ने भन्दै प्रहरीले खोजी कार्य जारी राखेको छ । काठमाडौं उपत्यकाका ३ जिल्लामा हरेक महिना सरदर १० वटा मोटरसाइकल हुने गरिएको प्रहरीको दाबी छ ।