पत्रपत्रिकामा खानेकुरा पोको पार्न बन्देज लगाइँदै

१९ वैशाख, काठमाडौं । सरकारले प्रिन्टिङ पेपर (छापा पत्रिका)मा खानेकुरा पोको (प्याक) गर्न बन्देज लगाउने भएको छ । बन्देजका लागि कानून बनाउने तयारी गरेको खाद्य प्रविधि तथा गुण नियन्त्रण विभागले जनाएको छ । 

प्रिन्ट पत्रिका  स्वास्थ्यका लागि खतरनाक असरपार्ने रसायन हुने र त्यसमा स्ट्रिट फुड प्याक गर्दा खानेकुरा लाग्ने र त्यो सिधै पेटमा पुगेर स्वास्थ्यलाई गम्भीरु असर पुर्याउने विभागले जनाएको छ । 

पत्रपत्रिका खानेकुरा प्याक गर्न काममा प्रतिबन्ध लगाउने गरी कार्यविधि निर्माणको काम सुरु गरिएको डा. मतिना जोशी वैद्यले बताइन् । 

मंगलबारबाट काठमाडौंमा सुरु भएको खाद्य स्वच्छतासम्बन्धि प्रशिक्षण कार्यक्रममा डा. जोशीले सो जानकारी दिएकी हुन् । स्ट्रिट फुड र तरकारी तथा फलफूल बजारलाई स्वच्छ राख्नका लागि जनचेतनामूलक कार्यक्रमलाई पनि स्थानीय तहसम्म लैजानुपर्ने बताइन् ।