तनहुँकाे आँधीखोला बजारमा ट्रक दुर्घटना, ७ वर्षीया बालिकासहित ११ जना घाइते

२० वैशाख, तनहुँ । तनहुँमा सडक छेउमा रहेको घरमा मालबाहक ट्रक ठोक्किएर भएकाे दुर्घटनामा ११ जना घाइते भएका छन् ।

बन्दिपुर गाउँपालिका-५, याम्पा आँधीखोला बजारमा बुधबार बिहान ९ बजेतिर ना ४ ख १९७३ नम्बरको ट्रक अनियन्त्रित भई घरमा ठोक्किएको थियो । घाइतेमध्ये २ जनाको अवस्था गम्भीर रहेको प्रहरीले जनाएको छ ।

ट्रकको अगाडिको सिसा फुटेको छ भने घरमा क्षति पुगेको छ । अहिले घटना विवरण संकलन तथा क्षतिबारे अध्ययन भइरहेको प्रहरीले जनाएको छ ।