खुल्याे आँधीखोला ट्रक दुर्घटनाका घाइतेहरुकाे पहिचान

२० वैशाख, तनहुँ । बुधबार बिहान ९ बजे तनहुँको आँधीखोलास्थित बजारमा रहेको एक घरमा मालबाहक ट्रक ठोक्किएर भएको दुर्घटनाका घाइतेको पहिचान भएकोछ । 

प्रहरीका अनुसार घाइतेहरुमा १० वर्षीया जस्मि भुजेल, ७ वर्षीय सानुभाई, ११ वर्षीय आयुष भुजेल, ७ वर्षीया आयुषा भुजेल, ८ वर्षीय गैरे भुजेल, १० वर्षीय ईश्जर भुजेल, २६ वर्षीया सबि भुजेल, ३३ वर्षीया सुनमाया भुजेल, ३५ वर्षीया शान्ति भुजेल, ७० वर्षीय सनबहादुर भुजेल र ४१ वर्षीय चेतबहादुर घर्ती रहेका छन् ।

घाइतेमध्ये २ जनाको अवस्था गम्भीर रहेको प्रहरीले जनाएको छ । ट्रकले सडक छेउमा रहेको बिजुलीको पोलमा ठक्कर दिएपछि सँगैको एक घरमा समेत क्षति पुर्याएको छ । ट्रक चालकलाई नियन्त्रणमा लिइ अनुसन्धान भइरहेको प्रहरीले जनाएको छ ।

बिहान करिब ९ बजे ना ४ ख १९७३ नम्बरको मालबाहक ट्रकले पोल र घरमा ठक्कर दिँदा उनीरु घाइते भएका थिए । 

यो पनि पढ्नुहोस