नवनियुक्त मन्त्रीको शपथ भोलि दिउँसो ३ बजे

२० वैशाख, काठमाडौं । नवनियुक्त मन्त्रीहरुको शपथ भोलि बिहीबार दिउँसो ३ बजे हुने भएको छ । प्रधानमन्त्री प्रचण्डको सिफारिसमा बुधबार कांग्रेसका ३ नेतालाई राष्ट्रपति रामचन्द्र पौडेलले नियुक्त गरेका थिए । 

जसअनुसार कांग्रेस उपसभापति समेत रअ‍ेका धनराज गुरुङलाई कानुन न्याय तथा संसदीय मामिला मन्त्री, केन्द्रीय सदस्य समेत रहेका मोहनबहादुर बस्नेतलाई स्वास्थ्य तथा जनसंख्या र नेता डिगबहादुर लिम्बु युवा तथा खेलकुदमन्त्रीमा नियुक्त भएका छन् ।

उनीहरुको पद तथा गोपनियताको शपथ बिहीबार दिउँसो ३ बजे हुने राष्ट्रपति कार्यालयले जनाएको छ । गठबन्धन सरकारमा सरकार मुख्य घटक कांग्रेसले ९ मन्त्रालय र एक राज्यमन्त्री पाएको छ । जसमध्ये यसघि ५ मन्त्री नियुक्त भइसकेका छन् । योसँगै कांग्रेसबाट ८ मन्त्री नियुक्त भएको छ । अझै ३ मन्त्रालय प्रधानमन्त्रीसँगै छ ।

कांग्रेसभित्र संस्थापन र इतर पक्षबीच मन्त्री संख्यामा सहमति कायम हुन नसक्दा मन्त्रिपरिषदलाई पूर्ण दिन ढिलाइ भएको थियो । प्रधानमन्त्रीसहित केन्द्रमा २५ सदस्यीय मन्त्रिपरिषद गठन हुने व्यवस्था छ । 

प्रधानमन्त्रीले रास्वपालाई पनि सरकार ल्याउने करसत गरिरहेका छन् । रास्वपाले यसबारे निर्णय लिन आउँदो शुक्रबार केन्द्रीय समिति र संसदीय दलको बैठक बोलाएको छ ।