सिम्रिक एयरको हेलिकप्टर दुर्घटना

२२ वैशाख, काठमाडौं । संखुवासभामा सिम्रिक एयरको हेलिकप्टर दुर्घटनामा परेको छ ।  माथिल्लो अरुण जलविद्युत आयोजनाको  सामान बोकेको हेलिकप्टर दुर्घटनामा परेको हो । जिल्ला प्रहरी कार्यालय संखुवासभाले दिएको जानकारी अनुसार अहिले हेलिकोप्टर दुर्घटना स्थलमा उद्धारकर्मी पुगेका छन् भने क्षतिको थप विवरण आउन बाँकी छ । 

संखुवासभाका प्रमुख जिल्ला अधिकारी शिवकुमार कार्कीले पनि भोटखोला गाउँपालिका-४ को सिप्रुङ जिजिङ पाखामा हेलिकप्टर दुर्घटना भएको   बताएका छन् । घटनास्थलमा प्रहरीको टोली पुगिसकेको छ । 

 निर्माण सामग्री बोकेर गएको हेलिकोप्टर दुर्घटना भएको हो । उनकाअनुसार उक्त हेलिकोप्टर बिहीबार काठमाडौंबाट संखुवासभा गएर बसेको थियो । आज सामान ओसारपसार गर्ने क्रममा देउँसो १ बजेदेखि हेलिकोप्टरको सम्पर्क टुटेको थियो । हेलिकोप्टरमा सामानबाहेक चालक मात्र रहेको र उनी सकुशल रहेको प्रहरीले जनाएको छ ।