ढाकाकुमारको सांसदमा पुनर्वाहलीसम्बन्धी रिट टुंगो नलाग्दै सांसद बनिन् विन्दाबासिनी

२५ वैशाख, काठमाडौं । निर्वाचन आयोगले राष्ट्रिय स्वतन्त्र पार्टी ९रास्वपा०की विन्दाबासिनी कंसाकारलाई समानुपातिकतर्फ सांसद बनाएको छ । 

अढाइ कराेड रूपैयाँ घुस रकम मागिएको अडियो रेकर्डमा मुछिएका सांसद रहेका ढाकाकुमार श्रेष्ठलाई रास्वपाले निलम्बन गर्दै रास्वपाले कंसाकारलाई सांसद बनाउन आयोगमा पत्र दिएको थियो ।

श्रेष्ठको स्थानमा कंसाकारलाई सांसद बनाएको आयोगको राजनीतिक दल व्यवस्थापन शाखाले जनाएको छ । कंसाकार सांसद हुने निर्णय आयोगले अघिल्लो साता नै गरेपनि निर्णय सार्वजनिक भएको थिएन । बजेट अधिवेशन सुरू भएको सोमबार दुई दिन भइसक्दा पनि संसदमा सभामुख देवराज घिमिरेले यसबारे केही जानकारी दिएका छैनन् ।

यसबीचमा  निलम्बित सांसद पद पुनर्वाहलीका लागि अन्तरिम आदेश माग गर्दै श्रेष्ठले आइतबार सर्वोच्च अदालतमा दायर गरेको रिटमा आजै मात्र श्रेष्ठलाई सांसदबाट हटाउने निर्णय तत्काल कार्यान्वन नगर्न अल्पकालीन आदेश दिएको छ । न्यायाधीश तिलप्रसाद श्रेष्ठको एकल इजलासले दिएको उक्त आदेशमा अन्तरिम आदेश जारी गर्नेबारे छलफलका लागि रिटका दुवै पक्षलाई बोलाएको छ ।

कंसाकार सांसद बनाएसँगै आयोगले सोको जानकारीका लागि संघीय संसद सचिवालयलाई पत्र पठाइसकेको जनाइएको छ ।