संसद बैठकमा तेस्राे दिन पनि नक्कली भुटानी शरणार्थी प्रकरणबारे उठ्याे आवाज

२६ वैशाख, काठमाडौं । मंगलबार बसिरहेको प्रतिनिधिसभाको बैठकमा सांसदहरुले नक्कली भुटानी शरणार्थी प्रकरणबारे चर्को रुपमा आवाज उठाएका छन् । उनीहरुले नेपालीलाई नक्कली भुटानी शरणार्थी बनाएर अमेरिका पठाउने नाममा भएको ठगी प्रकरणका दोषी जोगाउने काम हुन नहुने आवाज आजा तेस्रो दिन पनि उठाएका छन् । 

बैठकको शून्य समयमा बोल्दै सांसद ठाकुर गैरे, तेजुलाल चौधरी, डा. तोसिमा कार्कीलगायतका सांसदहरुले सरकारको ध्यानाकर्षण गराएका छन् । उनीहरुले भुटानी शरणार्थी प्रकरणमा जोडिएका सबैमाथि छानबिन हुनुपर्ने र दोषीमाथि कारबाही गर्नुपर्नेमा जोड दिए । छानबिन कार्यलाई कुनैपनि बाहनामा छानबिन र दोषीमाथि कारबाही गर्नबाट सरकार पछि हट्न नहुने भन्दै उनीहरुले खबरदारी गरेका छन् । 

सांसद देवेन्द्र पौडेल ‘सुनिलले नेपालीलाई भुटानी शरणार्थी बनाएर अमेरिका पठाउने घटनाले नेपाल पक्ष भएर गरिएका सम्झौता र सन्धिविपरीत भएकाले दोषीलाई कारबाही गर्नुपर्ने बताए ।