नक्कली भुटानी शरणार्थी प्रकरणमा तानिएका व्यक्तिको सम्पति जफत गर्न राप्रपाकाे माग

२७ वैशाख, काठमाडौं । प्रतिनिधिसभाको बुधबारको बैठकमा सांसदहरुले नक्कली भुटानी शरणार्थी प्रकरणमा तानिएका व्यक्तिहरुको सम्पत्ति जफत गर्न माग गरेका छन् । 

बैठकको शून्य समयमा बोल्ने अधिकांश सांसदहरुले कुनैपनि बहानामा दोषीलाई कारवाही गर्नबाट छुट नदिन सरकारको ध्यानाकर्षण गराउँदै उनीहरुको सम्पत्ति तत्काल जफत गर्न माग गरे । 

राप्रपाकी सांसद रोसन कार्कीले भ्रष्टाचारमा संलग्न भएकाहरुको सम्पति जफत गर्न माग गरिन् । स्वाधिन र सार्वभौम मुलुकमा नागरिकलाई नक्कली भुटानी शरणार्थी बनाएर अमेरिका पठाउने कार्य जघन्य अपराध भएको बताइन् । 

‘नक्कली परिचय बनाएर ‘मान्छे बेच्ने काम जघन्य अपराध हो’ उनले भनिन्, ‘त्यस्ता अपराधीहरुको परिवारमा राखेको सम्पति जफत गरिनुपर्छ ।’ जघन्य अपराध र भ्रष्टाचारमा लागेका व्यक्तिलाई राजनीतिमा आउ
 

न नपाउने गरी बन्देज लगाउनुपर्ने बताइन् । 

कार्कीभन्दा अगाडि बोलेका राजेन्द्र लिङदेनले प्रकरण छानबिनमा शक्ति र पहुँचको भरमा कसैलाई नछाड्न आग्रह गर्दै प्रकरणलाई अख्तियारको जिम्मा लगाएर घटनालाई सामसुम पार्न खोजिएको भन्दै खबरदारी गरेका थिए ।