सरकारको नीति तथा कार्यक्रम प्रधानमन्त्रीले प्रस्तुत गर्ने

३१ वैशाख, काठमाडौं । सरकारको आगामी आर्थिक वर्षकोनीति तथा कार्यक्रम प्रधानमन्त्रीले वाचन गर्ने भएका छन् । राष्ट्रपति रामचन्द्र पौडेलको स्वास्थ्यमा पूर्ण सुधार आइनसकेकाले प्रधानमन्त्री पुष्पकमल दाहाल ‘प्रचण्ड’ले पढ्ने विषयमा दलहरुबीच सहमति जुटेको छ । 

आज बिहान प्रधानमन्त्रीको सरकारी निवास बालुवाटारमा बसेको कांग्रेस, एमाले र माओवादी केन्द्रका शीर्ष नेताको बैठकमा नीति तथा कार्यक्रम प्रधानमन्त्रीले पढ्ने सहमति भएको कांग्रेस संसदीय दलका प्रमुख सचेतक रेमश लेखकले जानकारी दिए । जेठ ५ गते संसदमा सरकारको नीति तथा कार्यक्रम प्रस्तुत हुँदैछ ।

उनका अनुसार कार्यक्रम संसदमा प्रस्तुत गर्न राष्ट्रपति पौडेल उपस्थित भएर सुरुवात भने गर्नेछन् सरकारको नीति तथा कार्यक्रम राष्ट्र प्रमुखसमेत रहेका राष्ट्रपतिले संसदमा वाचन गर्ने व्यवस्था छ ।