भत्किएको पुलमुनि सांसद सञ्जयकुमार गौतमको आमरण अनशन
नेपालबहस संवाददाता
बैशाख ३१, २०८० आइतबार १७:०:१
३१ वैशाख, काठमाडौं । नेपाली कांग्रेसका नेता तथा सांसद सञ्जयकुमार गौतम आमरण अनसनमा बसेका छन् । सदन र सडकबाट माग पूरा गराउन पटक-पटक पहल गर्दा पनि सरकारले नसुनेपछि सत्तारुढ नेपाली कांग्रेसका सांसद गौतमले भत्किएको पुलमुनि आमरण अनशन सुरु गरेका हुन् ।
समस्त बर्दियाका जनताका तर्फबाट विकास निर्माणसँग सम्बन्धित विभिन्न १५ बुँदे माग राखेर नेपाल सरकारलाई ध्यानाकर्षण गराउन पूर्वमन्त्रीसमेत रहेका सांसद गौतम शनिबारदेखि अनशन बसेका हुन् । उनले जब्दीघाटको भत्किएको पुलमुनि अनशनलाई जारी राखेका छन् । यो पुलका संरचना हटाएर तत्कालै नयाँ पुल बनाउनसमेत उनले अनशन मार्फत माग गरेका छन् ।
बबई नदीमाथि बनेको जब्दीघाटको भत्किएको पुलमुनि टेन्ट टाँगेर अनसनमा बसेका गौतम भन्छन्, "मैले पटक पटक सदन र सडकबाट पहल गर्दा पनि सरकारले नसुनेपछि आमरण अनशन सुरु गरें । जनताको अकल्पनीय साथ पाएको छु ।" आफ्ना माग पूरा नभएसम्म आफूले आमरण अनशन जारी राख्ने गौतमले बताएका छन् । उनी भन्छन्, "मैले राखेका मागमा नेपाल सरकार गम्भीर बनोस् । ती मागहरु पूरा गरोस् । बर्दियालाई, बर्दियाका जनतालाई अपहेलित नगरोस् ।"
बर्दिया सदरमुकाम जोखिममा रहेकोले तत्काल तटबन्धनको बाँकी काम पूरा गर्नुपर्ने, बबई सिँचाइ आयोजना ३ वर्षभित्र पूरा गर्न बजेट सुनिश्चित गर्नुपर्ने, भुरीगाउँ–तेलपानी–सुर्खेत सडक खण्ड निर्माण कार्य यसै आर्थिक वर्षदेखि सुरू गर्न उनले सरकारसँग माग गरेका छन् । पुल पप्पु कन्ट्रक्सनको लापरवाहीले भत्किएको हो ।
सांसद गौतम अनसन बसेको जब्दीघाटको पुल भत्किएको सात वर्ष भइसक्यो । बबई नदीका कारण सदरमुकाम जोखिमपूर्ण अवस्था छ । बर्षादमा बाढी आउँदा भत्किएको पुलको स्पानले नदीमा बाँधजस्तो बनेकाले वर्षाको बाढी बस्तीमा पस्छ । सदरमुकाम गुलरियालगायतका बस्तीमा डुबान हुन्छ । सुशील कोइराला प्रधानमन्त्री भएको बेला बाढी पीडितलाई राहत दिने भनिएको थियो । तर बर्दियावासीले अहिलेसम्म पाएका छैनन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबर्दियामा मृतावस्थामा पाटेबाघ फेला प¥यो
जेठ ६, २०८१ आइतबार
बहुविवाहका आरोपी दाङका पौडेल पुर्पक्षका लागि कारागार चलान
जेठ २, २०८१ बुधबार
कपिलवस्तुमा राष्ट्रिय एकता अभियानको सम्मेलन सम्पन्न
बैशाख ३१, २०८१ सोमबार
पशुपतिनाथको भेटी चोर्ने आठ जना पक्राउ
नेपालबहस संवाददाता
जेठ ७, २०८१ सोमबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
विनोद त्रिपाठी
जेठ ८, २०८१ मंगलबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
जेठ ८, २०८१ मंगलबार
सानिमा बैंकको वित्तीय अवस्था दिन प्रतिदिन बिग्रँदै, वितरण योग्य नाफामा पहिरो
जेठ ८, २०८१ मंगलबार
प्रधानमन्त्रीसँग बिम्स्टेकका महासचिवको शिष्टाचार भेट
जेठ ८, २०८१ मंगलबार
कैलाश सिरोहियाको रिट दर्ता गर्ने वा नगर्ने भन्नेबारे भोलि निर्णय हुने
जेठ ८, २०८१ मंगलबार
समानीकरण अनुदान कटौती हुँदैन : प्रधानमन्त्री
जेठ ८, २०८१ मंगलबार
सेनाको पेट्रोल पम्पमा काम गर्ने कर्मचारीलाई 'अग्नि सुरक्षा सम्बन्धी' तालिम
जेठ ८, २०८१ मंगलबार