सांसद रायमाझीलाई अनुसन्धान गर्न ३ थुनामा राखिने

१ जेठ, काठमाडौं । एमाले सांसद टोपबहादुर रायमाझीलाई नक्कली भुटानी शरणार्थी प्रकरणमा अनुसन्धानका लागि ३ दिन प्रहरी हिरासतमा राख्न प्रहरी अनुमति पाएको छ ।

व्यापक खोजी गरिरहेका बेला आइतबार राति बुढानिलकठण्बाट पक्राउ परेका रायमाझीलाई ३न दिन हिरासत राखेर अनुसन्धान गर्नका लागि जिल्ला अदालतले अनुमति दिएको हो । आइतवार पक्राउ परेका उनलाई आज सोमबार जिल्ला अदालतमा उपस्थित गराइएको हो । 

उनलाई आजदेखि नै सरकारी वकिलको कार्यालयले बयान लिन सुरु गरेको छ । प्रकरणका उनका छोरा सन्दीपलाई यसअघि नै पक्राउ गरिसकेको छ । प्रकरणमा उनीसहित १३ जना पक्राउ परेका छन् । 

प्रकरण राष्ट्रलाई नै अन्तर्राष्ट्रिय क्षेत्रमा लज्जित तुल्याएको भन्दै दोषीलाई राजद्रोहको कसुरमा अनुसन्धान गरेर मुद्दा चलाउन संसदमा सांसदहरुले दैनिकजसो आवाज उठाइरहेका छन् ।

नेपाली नागरिकलाई भुटानी शरणार्थी बनाएर अमेरिका उडाउने भन्दै बिचौलिया केशव दुलाल योजनाकार रहेको गिरोहले ८७५ जना नेपालीबाट करोडौं रुपैयाँ ठगी गरेको आरोपमा उनीहरुमाथि अनुसन्धान भइरहेको छ ।

प्रकरणमा मुछिएपछि एमालेले उनलाई पार्टीको केन्द्रीय सचिवबाट निलम्बन गरिसकेको छ । उनको सांसद पद खारेज हुने वा नहुने भन्ने विषय भने अदालतमा थुनछेक बहसपछि मात्र टुंगो लाग्ने भएको छ । 

रायमाझीलाई सोह्रखुट्टे प्रहरी वृत्तको हिरासतमा राखिएको छ ।