रेशम चौधरीको मुद्दा सर्वोच्चमा ‘हेर्दाहेर्दै’मा

१ जेठ, काठमाडौं । टिकापुर घटनाका दोषी ठहर भई जेल सजाय भोगिरहेका रशेमलाल चौधरी लगायत बन्दीहरुले सर्वोच्च अदालतमा दिएको पुनरावेदन मुद्दा फेरि हेर्दाहेर्दैमा राखिएको छ । 

न्यायाधीश आनन्दमोहन भट्टराई र नहकुल सुवेदीको संयुक्त इजलासमा आज सुनुवाइ भएको हो । तर सुनुवाइमा कानून व्यवसायीहरुको बहस नसकिएपछि ‘हेर्दाहेर्दैमा’राखिएको सर्वोच्च प्रशासनले जनाएको छ । 

कैलालीको टिकापुरमा २०७२ साउन ७ मा नेपाल प्रहरीका उच्च अधिकारीसहित ७ र एक नाबालको हत्या घटनामा कर्तव्य ज्यान, डाँका चोरी तथा ज्यान मार्ने उद्योग कसुरमा दोषी ठहर भई रेशमसहित दर्जन संख्यामा जेलमा छन् । रेशम डिल्लीबजारस्थितजेलमा छन् । 

उनीहरुले २०७८ सालमा फरकफरक मितिमा जिल्ला अदालत र उच्च अदालतबाट भएको दोषी ठहर फैसला बदरको माग गर्दै सर्वोच्चमा पुनरावेदन मुद्दा दायर गराएका थिए ।

यसअघि मुद्दामा सुनुवाइका लागि परेको पेसी सर्वोच्चले पटकपटक सार्दै आएको थियो । तर आज भने सुनुवाइ सुरु भएको हो । बाँकी सुनुवाइ भाेलि हुने जनाइएकाे छ ।

यो पनि पढ्नुहोस