नक्कली शरणार्थी प्रकरणः अनुसन्धान प्रतिवेदन तयार पार्न केही दिन लाग्ने

३ जेठ, काठमाडौं । नेपाली नागरिकलाई भुटानी शरणार्थी बनाएर अमेरिका पठाउने भन्दै संगपठित रुपमा करोडौं असूली ठगी गरेको गिरोहबारेको अनुसन्धान प्रतिवेदन आज जिल्ला सरकारी वकिलको कार्यालयमा पुग्ने नभएको छ ।

अनुसन्धान बाँकी रहेकाले बुधबान बुझाउन नसकिने जनाइएको छ । सरकारी वकिल कार्यालयका प्रमुख अच्युत न्यौपाने रायसहितको प्रतिवेदन बुझाउन सरकारी वकिलले निर्देशन दिएका थिए । 

जिल्ला प्रहरी परिसर, काठमाडौंले अनुसन्धान नसकिएको भन्दै बुधबार प्रतिवेदन नबुझाउने निर्णय गरेको जिल्ला प्रहरी परिसर, काठमाडौंका एसपी सिताराम रिजालले बताए । प्रकरणमा हिरासतमा रहेका नेपाली कांग्रेसका नेता बालकृष्ण खाण, एमाले सांसद टोपबहादुर रायमाझी, सरकारका सचिव टेकनारायण पाण्डेसहित १४ जनामाथि अनुसन्धान जारी रहेको प्रहरीले जनाएको छ ।