बीमा कम्पनीले कुल खर्चको २५ प्रतिशत रकम विज्ञापनमा खर्च गर्नुपर्ने

३ जेठ, काठमाडौं । निर्जीवन बीमा कम्पनीहरुले बजार प्रवर्द्धनका लागि गर्ने कुल खर्चको कम्तीमा २५ प्रतिशत रकम विज्ञापनमा खर्च गर्नुपर्ने भएको छ । प्राधिकरणले बीमकको संस्थागत सुशासन निर्देशिका २०७५ लाई संशोधन गर्दै यस्तो व्यवस्था गरेको हो । 

बीमा ऐन, २०७९ को दफा १७० ले दिएको अधिकार प्रयोग गरी निर्देशन जारी गरेको नेपाल बीमा प्राधिकरणले जनाएको छ । निर्जीवन बीमा व्यवसाय गर्ने बीमकले बीमकको व्यवस्थापन खर्चअन्तर्गत अतिथि सत्कार, व्यापार प्रवर्द्धन, विज्ञापन तथा प्रचार प्रसार र अभिकर्ता अन्य शिर्षकमा खुद बीमा शुल्कको बढीमा एक दशमलव पाँच (१.५०) प्रतिशतसम्म खर्च गर्न सक्ने व्यवस्था नयाँ प्रावधानमा रहेको छ

त्यस्तै, (२) उपदफा (१) बमोजिम बीमकले गरेको कुल खर्चको कम्तीमा २५ प्रतिशत रकम विज्ञापन तथा प्रचार प्रसार शिर्षकमा खर्च गर्नुपर्ने अनिवार्य व्यवस्था प्राधिकरणले गरेको छ ।