राष्ट्रपतिको आह्वानमा संघीय संसदको संयुक्त बैठक भोलि बस्ने

४ जेठ, काठमाडौं । संघीय संसदको संयुक्त बैठक भोलि बिहीबार बस्ने भएको छ । राष्ट्रपति रामचन्द्र पौडेलले संसदको संयुक्त बैठक यही जेठ ५ गते दिउँसो ४ बजेका लागि आह्वान गरेका हुन् । 

बिहीबार प्रतिनिधिसभाको बैठकमा सभामुख देवराज घिमिरेले राष्ट्रपति पौडेलबाट भोलि शुक्रबार दिउँसो ४ बजे संयुक्त बैठक आह्वान भएको पत्र पढेर सुनाएका छन् । भोलिको बैठकमा सरकारको राष्ट्रपतिद्वारा आगामी नीति तथा कार्यक्रम प्रस्तुत गरिनेछ ।

प्रतिनिधिसभाको आजको बैठकमा प्रधानमन्त्रीसँग १५ जना सांसदहरुले प्रश्न साधेका थिए । प्रधानमन्त्री प्रचण्डले सांसदहरुले नक्कली भुटानी शरणार्थी प्रकरण, लाल आयोगको प्रतिवेदन, निकटमा हुन गइरहेको प्रधानमन्त्रीको भारत भ्रमण लगायत विषयकेन्द्रित गरेर उठाएका तीन दर्जन भन्दा बढी प्रश्नको जवाफ दिएका थिए ।