नक्क्ली शरणार्थी प्रकरणको रहस्य बताउँदै अध्यक्ष ओली

७ जेठ, काठमाडौं । नेकपा एमालेका अध्यक्ष केपी शर्मा ओलीले आज संसदलाई सम्बोधन गर्दै नक्कली शरणार्थी प्रकरणको रहस्य बताउने भएका छन् । यो सँगै सरकारको नीति तथा कार्यक्रम माथि पनि उनको टिप्पणी रहनेछ । यसअघि उनले जेठ ४ गते नै संसदमा सम्बोधन गर्ने भनिएको थियो । तर नीति तथा कार्यक्रम परेकाले उनको सम्बोधन सरेको थियो । 

उनले नक्कली शरणार्थी प्रकरणको वास्तविक तथ्य आफूले जेठ ४ को संसद बैठकमा जानकार गराउने बताउँदै आएका थिए । एमालेका प्रमुख सचेतक पदम गिरीले सरकारको नीति तथा कार्यक्रम र शरणार्थीका विषय केन्द्रित भएर अध्यक्ष ओलीले आजको प्रतिनिधि सभामा सम्बोधन गर्ने बताए ।